Vetëvendosje dënon sulmin ndaj shtëpisë së kandidatit për deputet të VV-së

15:17 | 30 Maj 2017
M. A.

Shtëpia e kandidatit për deputet nga radhët e Vetëvendosjes, Sadri Ramabaja është sulmuar gjatë ditës së hënë.

Me këtë rast përmes një komunikate për medie, ka reaguar Vetëvendosje, duke dënuar ashpër këtë sulm, shkruan Indeksonline.

Gjeni të plotë komunikatën:

Gjatë ditës së djeshme, persona ende të paidentifikuar kanë sulmuar shtëpinë e kandidatit për deputet, Sadri Ramabaja, me ç’rast i janë shkaktuar dëme të shumta materiale.

Lëvizja VETËVENDOSJE! e dënon ashpër këtë sulm vandal dhe fton organet e rendit që sa më parë të zbardhin të vërtetën, dhe fajtorët të vihen para drejtësisë.

Veprimet e këtilla nuk e frikësojnë e as nuk e zmbrapsin asnjë aktivist nga rradhët tona. Angazhimi ynë për një shtet ku mbretëron drejtësia, rendi e ligji, nuk merr fund nga asnjë lloj presioni apo dhune, nga kushdo qoftë.